(krıl va lotında)
Фарғона вилоят, Қува туман ҳокимининг Саноатни ривожлантириш, капитал қурилиш, коммуникациялар ва коммунал хўжаликлари масалалари бўйича ўринбосари, 69 яшар Ҳабибулла Рустамовни пора билан ушлаш амалиёти муваффақиятсизлик билан тугади.
Озодлик норасмий манбадан олган бу хабарни ҳоким ўринбосарининг ўзи тасдиқлади ва воқеа тафсилотларини айтиб берди.
Ҳабибулло Рустамовни пора билан қўлга тушириш операциясини ўтказган ходимлар билан боғланишнинг иложи бўлмади.
Озодлик билан 15 октябрь кунги суҳбатда Ҳабибулла Рустамов бундан 4 кун муқаддам юз берган воқеа тўғрисида қуйидагиларни айтиб берди:
– Ўтган пайшанба, 11 октябрь куни эрталаб соат 8 да кабинетимга икки киши кириб келди. Бош Прокуратура Департаментининг Фарғона вилоят бошқармаси, вилоят прокуратураси ҳамда вилоят ДХХ бошқармаси ходимлари экан. Ҳужжат кўрсатишди ва столим устидаги қоғозлар тагидан 1000 АҚШ долларини олишди. Кейин улар махсус фонарик билан қўлларимни текширишди. Қўлимда ҳеч нарса кўринмади. Ëнадигани ëнмади¸ – дейди суҳбатдош.
Қува туман ҳокими ўринбосари Ҳабибулло Рустамов билан суҳбат
билан Озодлик радиоси
Фарғона вилоят, Қува туман ҳокимининг Саноатни ривожлантириш, капитал қурилиш, коммуникациялар ва коммунал хўжаликлари масалалари бўйича ўринбосари, 69 яшар Ҳабибулла Рустамовни пора билан ушлаш амалиёти муваффақиятсизлик билан тугади.
Озодлик норасмий манбадан олган бу хабарни ҳоким ўринбосарининг ўзи тасдиқлади ва воқеа тафсилотларини айтиб берди.
Ҳабибулло Рустамовни пора билан қўлга тушириш операциясини ўтказган ходимлар билан боғланишнинг иложи бўлмади.
Озодлик билан 15 октябрь кунги суҳбатда Ҳабибулла Рустамов бундан 4 кун муқаддам юз берган воқеа тўғрисида қуйидагиларни айтиб берди:
– Ўтган пайшанба, 11 октябрь куни эрталаб соат 8 да кабинетимга икки киши кириб келди. Бош Прокуратура Департаментининг Фарғона вилоят бошқармаси, вилоят прокуратураси ҳамда вилоят ДХХ бошқармаси ходимлари экан. Ҳужжат кўрсатишди ва столим устидаги қоғозлар тагидан 1000 АҚШ долларини олишди. Кейин улар махсус фонарик билан қўлларимни текширишди. Қўлимда ҳеч нарса кўринмади. Ëнадигани ëнмади¸ – дейди суҳбатдош.
Ҳабибулла Рустамовнинг айтиб беришича¸ бу жараëн пайтида ДХХ ходимлари ўзлари билан Фарғона шаҳридан олиб келган икки киши “гувоҳ” вазифасини бажарган. Бир киши эса, жараëнни видеотасвирга олиб турган.
Суҳбатдошга кўра¸ ана шундан кейин уни Қува туман ДХХ бўлимига олиб бориб махсус ускунада қўлларини текшириб кимëвий ишлов берилган пул изларини топа олишмаган:
– Куни бўйи ушлаб ўтириб уйга қўйиб юборишди. Кечгача икки оперативник “стол устидаги пулларни пора сифатида олгандим”, деб иқрор бўлинг, деб ундади. Ҳеч нарса иш бермагандан кейин оператив ходимлар, “сиз пенсия ëшидан ҳам аллақачон ўтиб кетган одам экансиз. Сиз ишдан четлатилсангиз ҳеч нарса йўқотмайсиз. Биз энди хизмат фаолиятимизни бошлаган ëш ходимлармиз. Бу тадбирни амалга оширолмай қовун туширсак карьерамиз бошланмасдан ниҳоясига етиши муқаррар”, деб ëлворишди. Мен эса пора олмадим¸ олмайман ҳам деб гапимда маҳкам турдим,- дейди суҳбатдош.
Ана шундан кейин уйига қўйиб юборилган ҳоким ўринбосари Ҳабибулла Рустамов Фарғона вилоят ҳокими Шуҳрат Ғаниевга “пора билан тузоққа туширмоқчи бўлишгани” ҳақида шикоят аризаси ëзиб топширди.
– Саккиз ой олдин Шуҳрат Ғаниев мени ишга олувди ишонч билдириб. Чунки бутун умрим давомида бошқарув соҳасида ишлаб тажриба орттирганман. Шу боис у киши номига ариза ëздим. Икккнчидан, Қува ҳокимига ишончим йўқ. “Пора бериш” тузоғини туман ҳокимининг ўзи қўйди, деб ҳам айтишди менга¸ дейди шу кунларда Қува туман ҳокимининг Саноатни ривожлантириш, капитал қурилиш, коммуникациялар ва коммунал хўжаликлари масалалари бўйича ўринбосари сифатида ишини давом эттираëтган Ҳабибулла Рустамов.
Қува туман ҳокимлигида етакчи мутахассис лавозимида ишлаган мулозимнинг исми сир қолиш шарти билан Озодликка айтишича¸ ҳоким муовини 8 ойлик фаолияти давомида туманда қонунга зид тарзда қурилган иморатларни бузиб ўзига душман орттирган:
– Ҳабибулла ака бу масалада принципиал турди. Қонунга зид тарзда рухсатсиз қурилган 170 ноқонуний қурилмаларни снос қилди. Самозахват қилиб ерларни босиб олган икки бой отадан ерларни давлат ҳисобига қайтариб олди. Ўртага туман ҳокими тушсаям, Ҳабибулла ака қаттиқ турдию аммо ўзига душман орттирди.
Етакчи мутахассисга кўра¸ 15 октябрь куни Қува ҳокими Ҳалимжон Умаров ўз ўринбосари Ҳабибулла Рустамовни чақириб “ишдан ўз аризасига кўра бўшашни” сўраган.
Ҳабибулла Рустамовнинг ўзи Озодлик билан суҳбатда “ариза ëзмаганлигини” айтди:
– Нега ëзишим керак? Айбим борми мени? Ëки бир нарсани еб қўйибманми? Мен эмас, менга тузоқ қурганлар ариза ëзсин. Адолат қарор топсин!
Ҳабибулла Рустамов ва хавфсизлигини ўйлаб исми айтилмаслигини сўраган етакчи мутахассиснинг иддаолари юзасидан изоҳ олиш учун Озодлик Қува туман ҳокими Ҳалимжон Умаров билан боғланишга уринди, лекин боғлана олмади.
Кейинги икки ой ичида республиканинг ўнлаб туманларида “пора билан ушланган мулозимлар” тўғрисидаги хабарлар расмий матбуотда бот-бот чиқиб турибди.
Ўтган ҳафтада Қумқўрғон туман ҳокимининг Саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари 5000 АҚШ долларини пора тариқасида олган вақтида ашёвий далил билан ушланган эди.
Бундан олдин Хива шаҳар ҳокимининг ўринбосари 2 минг долларни пора тариқасида олаётган вақтда ашёвий далиллар билан қўлга олингани ҳақида расмий матбуот хабар берган эди.
Сўнгги саккиз ой мобайнида Тошкент ва Навоий вилоятлари ҳамда Урганч¸ Чуст¸ Бойсун туманлари ҳокимларининг Саноатни ривожлантириш, капитал қурилиш, коммуникациялар ва коммунал хўжаликлари масалалари бўйича ўринбосарлари 200 АҚШ долларидан тортиб 5000 долларгача бўлган миқдорда пора олганликда айбланиб, ҳибсга олингани ҳақда маҳаллий матбуот хабар тарқатган эди.
Farg‘ona viloyat, Quva tuman hokimining Sanoatni rivojlantirish, kapital qurilish, kommunikatsiyalar va kommunal xo‘jaliklari masalalari bo‘yicha o‘rinbosari, 69 yashar Habibulla Rustamovni pora bilan ushlash amaliyoti muvaffaqiyatsizlik bilan tugadi.
Ozodlik norasmiy manbadan olgan bu xabarni hokim o‘rinbosarining o‘zi tasdiqladi va voqea tafsilotlarini aytib berdi.
Habibullo Rustamovni pora bilan qo‘lga tushirish operatsiyasini o‘tkazgan xodimlar bilan bog‘lanishning iloji bo‘lmadi.
Ozodlik bilan 15 oktyabr kungi suhbatda Habibulla Rustamov bundan 4 kun muqaddam yuz bergan voqea to‘g‘risida quyidagilarni aytib berdi:
– O‘tgan payshanba, 11 oktyabr kuni ertalab soat 8 da kabinetimga ikki kishi kirib keldi. Bosh Prokuratura Departamentining Farg‘ona viloyat boshqarmasi, viloyat prokuraturasi hamda viloyat DXX boshqarmasi xodimlari ekan. Hujjat ko‘rsatishdi va stolim ustidagi qog‘ozlar tagidan 1000 AQSh dollarini olishdi. Keyin ular maxsus fonarik bilan qo‘llarimni tekshirishdi. Qo‘limda hech narsa ko‘rinmadi. Ënadigani ënmadi¸ – deydi suhbatdosh.
Quva tuman hokimi o‘rinbosari Habibullo Rustamov bilan suhbat
bilan Ozodlik radiosi
Farg‘ona viloyat, Quva tuman hokimining Sanoatni rivojlantirish, kapital qurilish, kommunikatsiyalar va kommunal xo‘jaliklari masalalari bo‘yicha o‘rinbosari, 69 yashar Habibulla Rustamovni pora bilan ushlash amaliyoti muvaffaqiyatsizlik bilan tugadi.
Ozodlik norasmiy manbadan olgan bu xabarni hokim o‘rinbosarining o‘zi tasdiqladi va voqea tafsilotlarini aytib berdi.
Habibullo Rustamovni pora bilan qo‘lga tushirish operatsiyasini o‘tkazgan xodimlar bilan bog‘lanishning iloji bo‘lmadi.
Ozodlik bilan 15 oktyabr kungi suhbatda Habibulla Rustamov bundan 4 kun muqaddam yuz bergan voqea to‘g‘risida quyidagilarni aytib berdi:
– O‘tgan payshanba, 11 oktyabr kuni ertalab soat 8 da kabinetimga ikki kishi kirib keldi. Bosh Prokuratura Departamentining Farg‘ona viloyat boshqarmasi, viloyat prokuraturasi hamda viloyat DXX boshqarmasi xodimlari ekan. Hujjat ko‘rsatishdi va stolim ustidagi qog‘ozlar tagidan 1000 AQSh dollarini olishdi. Keyin ular maxsus fonarik bilan qo‘llarimni tekshirishdi. Qo‘limda hech narsa ko‘rinmadi. Ënadigani ënmadi¸ – deydi suhbatdosh.
Habibulla Rustamovning aytib berishicha¸ bu jaraën paytida DXX xodimlari o‘zlari bilan Farg‘ona shahridan olib kelgan ikki kishi “guvoh” vazifasini bajargan. Bir kishi esa, jaraënni videotasvirga olib turgan.
Suhbatdoshga ko‘ra¸ ana shundan keyin uni Quva tuman DXX bo‘limiga olib borib maxsus uskunada qo‘llarini tekshirib kimëviy ishlov berilgan pul izlarini topa olishmagan:
– Kuni bo‘yi ushlab o‘tirib uyga qo‘yib yuborishdi. Kechgacha ikki operativnik “stol ustidagi pullarni pora sifatida olgandim”, deb iqror bo‘ling, deb undadi. Hech narsa ish bermagandan keyin operativ xodimlar, “siz pensiya ëshidan ham allaqachon o‘tib ketgan odam ekansiz. Siz ishdan chetlatilsangiz hech narsa yo‘qotmaysiz. Biz endi xizmat faoliyatimizni boshlagan ësh xodimlarmiz. Bu tadbirni amalga oshirolmay qovun tushirsak kareramiz boshlanmasdan nihoyasiga yetishi muqarrar”, deb ëlvorishdi. Men esa pora olmadim¸ olmayman ham deb gapimda mahkam turdim,- deydi suhbatdosh.
Ana shundan keyin uyiga qo‘yib yuborilgan hokim o‘rinbosari Habibulla Rustamov Farg‘ona viloyat hokimi Shuhrat G‘aniyevga “pora bilan tuzoqqa tushirmoqchi bo‘lishgani” haqida shikoyat arizasi ëzib topshirdi.
– Sakkiz oy oldin Shuhrat G‘aniyev meni ishga oluvdi ishonch bildirib. Chunki butun umrim davomida boshqaruv sohasida ishlab tajriba orttirganman. Shu bois u kishi nomiga ariza ëzdim. Ikkknchidan, Quva hokimiga ishonchim yo‘q. “Pora berish” tuzog‘ini tuman hokimining o‘zi qo‘ydi, deb ham aytishdi menga¸ deydi shu kunlarda Quva tuman hokimining Sanoatni rivojlantirish, kapital qurilish, kommunikatsiyalar va kommunal xo‘jaliklari masalalari bo‘yicha o‘rinbosari sifatida ishini davom ettiraëtgan Habibulla Rustamov.
Quva tuman hokimligida yetakchi mutaxassis lavozimida ishlagan mulozimning ismi sir qolish sharti bilan Ozodlikka aytishicha¸ hokim muovini 8 oylik faoliyati davomida tumanda qonunga zid tarzda qurilgan imoratlarni buzib o‘ziga dushman orttirgan:
– Habibulla aka bu masalada prinsipial turdi. Qonunga zid tarzda ruxsatsiz qurilgan 170 noqonuniy qurilmalarni snos qildi. Samozaxvat qilib yerlarni bosib olgan ikki boy otadan yerlarni davlat hisobiga qaytarib oldi. O‘rtaga tuman hokimi tushsayam, Habibulla aka qattiq turdiyu ammo o‘ziga dushman orttirdi.
Yetakchi mutaxassisga ko‘ra¸ 15 oktyabr kuni Quva hokimi Halimjon Umarov o‘z o‘rinbosari Habibulla Rustamovni chaqirib “ishdan o‘z arizasiga ko‘ra bo‘shashni” so‘ragan.
Habibulla Rustamovning o‘zi Ozodlik bilan suhbatda “ariza ëzmaganligini” aytdi:
– Nega ëzishim kerak? Aybim bormi meni? Ëki bir narsani yeb qo‘yibmanmi? Men emas, menga tuzoq qurganlar ariza ëzsin. Adolat qaror topsin!
Habibulla Rustamov va xavfsizligini o‘ylab ismi aytilmasligini so‘ragan yetakchi mutaxassisning iddaolari yuzasidan izoh olish uchun Ozodlik Quva tuman hokimi Halimjon Umarov bilan bog‘lanishga urindi, lekin bog‘lana olmadi.
Keyingi ikki oy ichida respublikaning o‘nlab tumanlarida “pora bilan ushlangan mulozimlar” to‘g‘risidagi xabarlar rasmiy matbuotda bot-bot chiqib turibdi.
O‘tgan haftada Qumqo‘rg‘on tuman hokimining Sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari 5000 AQSh dollarini pora tariqasida olgan vaqtida ashyoviy dalil bilan ushlangan edi.
Bundan oldin Xiva shahar hokimining o‘rinbosari 2 ming dollarni pora tariqasida olayotgan vaqtda ashyoviy dalillar bilan qo‘lga olingani haqida rasmiy matbuot xabar bergan edi.
So‘nggi sakkiz oy mobaynida Toshkent va Navoiy viloyatlari hamda Urganch¸ Chust¸ Boysun tumanlari hokimlarining Sanoatni rivojlantirish, kapital qurilish, kommunikatsiyalar va kommunal xo‘jaliklari masalalari bo‘yicha o‘rinbosarlari 200 AQSh dollaridan tortib 5000 dollargacha bo‘lgan miqdorda pora olganlikda ayblanib, hibsga olingani haqda mahalliy matbuot xabar tarqatgan edi.
ozodlık.https://www.ozodlik.org/a/pora-olish-quva-tumani/29544616.html
17/10/2018
